Музей гісторыі Гарадніцы адчыніў свае дзверы

Пасля рэканструкцыі, якая доўжылася цягам дзесяці месяцаў, музей распачаў сваю працу ўрачыстым адкрыццём, якое адбылося 28 чэрвеня.  Над стварэннем новай кампазіцыі працавалі амаль год.

Колькасць залаў засталася нязменнай, гаворыць загадчык аддзела народнай творчасці Святлана Чушынская. 

- Першая зала прысвечана асобе Антонія Тызенгаўза. Экспазіцыя знаёміць з вынікамі рэфарматарскай дзейнасці графа. Сярод экспанатаў вырабы мануфактур і майстэрань, дакументы і чарцяжы 18 стагоддзя. Другая – інтэр’ер кухні 18 ст. Апошняй з’яўляецца выставачная зала, якая будзе абнаўляцца раз на два месяцы. Бліжэйшыя два месяцы наведнікі могуць пазнаёміцца з ткацтвам на выставе “Мова народных тканін” у якой прадстаўлены рушнікі, народныя строі, тканыя паясы, вышыўка,- працягвае спадарыня Святлана.

Фрагмент выставы "Мова народных тканін".

У інтэр'еры кухні можна пабачыць разнастайны керамічны посуд.

Акрамя вышэй пералічаных залаў, працуе выстава – продаж прац гарадзенскіх майстроў.

Жадаючыя могуць наведаць музей па адрасе: вул. Ажэшкі, 37. Музей працуе штодзённа ад 10.00 да 18.00, акрамя нядзелі і панядзелка.

Здымкі аўтара

t-styl.info