Ці бралі вы калі-небудзь удзел у рэстаўрацыі сярэдневечнага замка? У вас ёсць такая магчымасць! Ужо 9 гадоў аднаўленне Любчанскага замка ладзіцца сіламі валанцёраў. Зрабі свій унёсак у захаванне культурнай спадчыны!
Дабрачынны фонд “Любчанскі замак” ладзіць валанцёрскія летнікі ў ліпені-жніўні 2012.
Што патрабуецца ад Вас:
- любоў да Радзімы;
- галава на плячах;
- жаданне працаваць.
- вельмі выдатна, калі Вы валодаеце якімі-кольвек будаўнічымі навыкамі: кладка цэглы, тынкоўка etc.
Што Вас чакае:
- будаўнічыя працы па аднаўленні сцен і вежаў замка;
- археалагічныя раскопкі на замчышчы;
- камунікацыя з цікавымі людзьмі;
- песні увечары і г.д.
- Цудоўны настрой гарантуецца!!!
Дабрачынны фонд «Любчанскі замак» праводзіць папярэдні запіс на летнікі. Свае заявы дасылайце, калі ласка, на lz-2010@tut.by.
Заява падаецца ў выгляде анкеты ў адвольнай форме, але, калі ласка, абавязкова паведаміце:
- Ваш узрост
- Меркаваны тэрмін удзелу ў летніку
- Ваша матывацыя ўдзелу ў летніку
- Ваш вопыт будаўнічай працы
- Вашы зваротныя каардынаты: e-mail, тэлефон
Калі Вы па якіх-небудзь прычынах не можаце патрапіць на летнік, але маеце вялікае жаданне далучыцца да высакароднай справы, нагадваем вам, што рэстаўрацыя — працэс незваротны, і патрэбу ў рабочых руках арганізатары маюць заўжды!
Пачынаючы з красавіка (як пацяплее), амаль кожныя выходныя мы будзем рады бачыць Вас на Замку!
Комментариев нет:
Отправить комментарий