Ужо сення гарадзенцы змогуць першымі пабачыць беларускую настольную гульню "Паўстанцы", створанную нашымі цудонымі сябрамі Настай Лукашковай ды Антосем Яноўскім. Мерапрыемства адбудзецца ў мастацкай галерэі "Крыга" (вул. Савецкая, 3-11, арка каля крамы "Ратушы") а 18:00. Жадаючым прыняць удзел, просім падысці за 10-15 хвілін да пачатку прэзентацыі, каб
запісацца на гульню. Невялікія змены - у гульні прымуць удзел не 16, а 12 чалавек.
“Паўстанцы” – першая беларуская настольная гульня, пад час якой вы можаце паглыбіцца ў атмасферу 1863-а года і стаць знакамітай гістарычнай асобай (Каліноўскім, Урублеўскім, Мураўёвым і інш.), альбо простым беларусам уплываць на сыход паўстання.
Гульня “Паўстанцы” пабудавана найперш на зносінах паміж людзьмі, абмеркаванні і выказванні сваёй пазіцыі. Падманваць, хлусіць, майстэрскі блытаць прысутных і бязлітасна забіваць суперніка – права кожнага ўдзельніка. Коратка пра гульню: можа браць удзел ад 6 да 20 чалавек, існуе тры калоды карт (“Персанаж”, “Выбар”, “Лёс”), гульня мае невялікае падабенствы да знакамітай гульні “Мафія”.
старонка гульні :http://vk.com/paustanci
Комментариев нет:
Отправить комментарий