Суполка традыцыйнай культуры і антыкавярня “Жывы час” запрашаюць на Гуканне вясны

Яно пройдзе 30 сакавіка. У праграме майстар-клас па адмысловай веснавой ляльцы, а таксама гукальныя песні і карагоды, гульні і танцы.
 Майстар-клас па вырабу адмысловай веснавой лялькі – Птушкі-Радасці – пачнецца ў 14.00. Вядучая – Альгуня Камягiна. З 15.00 да 17.00 у антыкавярні можна будзе пачуць ды навучыцца спяваць гукальныя песні, паўдзельнічаць у веснавых карагодах і народных гульнях, патанчыць народныя танцы. Запрошаныя госці – Hurdy gurdy & Selva magica.  
 Акрамя гэтага наведнікаў будзе чакаць печыва ў выглядзе птушачак і чай.
 Агулам працягласць праграмы – каля трох гадзін. Тых, хто плануе быць ад пачатку да канца, чакае зніжка: 50 000 рублёў за тры гадзіны пры пакупцы білету загадзя, 60 тысяч – пры аплаце 30 сакавіка. Удзел у частцы мерапрыемства аплочваецца па тарыфу антыкафэ 400 рублёў за хвіліну (24 000 за гадзіну). 
  Падзея ў VK: vk.com/event68720274


Твой стыль

Фестываль фальклору пройдзе ў Квасоўцы

31 жніўня і 1 верасня ў аграгарадку Квасоўка на пляцоўцы ля возера адбудзецца раённы фестываль фальклору “Вяртанне да вытокаў”. Пачатак фестывалю у 12.00.

31 жніўня з 12.00 гасцей свята чакае праца традыцыйных беларускіх падворкаў, выстава-кірмаш, конкурс беларускіх народных страў і майстар-клас традыцыйных рамёстваў.

Разам затанчыць ды пагуляць абяцае Суполка традыцыйнай культуры (Гродна) і капэла “На таку” (Мінск), які арганізуюць невялікую этнавечарыну па побытавых танцах Гарадзеншчыны.