Адсвяткавалі масленку!

Не гледзячы на сярэдзіну сакавіка – надвор’е было самае маслянічнае! І суполкай народнай культуры, паклікаўшы з сабой сяброў, мы сабраліся за гарадам (я бы нават сказаў “над горадам”, бо з гары адкрываўся цудоўны далягляд на Гродна), каб адсвяткаваць масленку і развітацца нарэшце з зімой
. Бліны, крамбамбуля, песні і гульні, спальванне масленкі – напоўнілі наша свята.

Шмат уражанняў, якімі можна падзяліцца. Скокі з гор і качанне ў снезе – зусім як маленькія. Пакаралі горы і на цалафанавых пакетах з’язджалі. Вадзілі карагоды каля масленкі, якую зрабілі з старых рэчаў. Кожны з нас у гэты дзень развітаўся з непатрэбным. Спадзяемся, хутка нарэшце прыйдзе вясна!
Некалькі фотаздымкаў ад Вадзіма Аутка, а астатняе глядзіце ў кантакце.

Антон Яноўскі